ശരറാന്തല്
നെഞ്ചിലാളുന്നവ്യാധിയും പേറിനീ,
വെന്തുനീറിച്ചിരിച്ചിങ്ങനെ നടന്നോ!
ചാഞ്ഞുവീശുന്ന ഒരു കുഞ്ഞുകാറ്റിനെ
മാറിലൊന്നേറ്റി,യുമ്മവച്ചുറക്കിയാല്
ത്തീര്ന്നുപോകുന്നജീവനുംപേറിനീ
ജ്ഞാനബുദ്ധനെപ്പോല് കൂനിയിരിക്ക!
തീവണ്ടി
അതാണു എന്റെ യോഗം!
ഒന്നു കുലുങ്ങി, കിതച്ച്, ചുരമാന്തി,
ഇടുപ്പുവെട്ടിച്ച്, തുടവലിച്ചൊതുക്കി,
നെഞ്ചുവിരിച്ച്, കൈവിടര്ത്തി,
മദംപൂണ്ടൊന്നമര്ത്തിക്കുരവയിട്ട്,
മുരണ്ട്, കാമംകലിതുള്ളി, കവച്ചവ-
ളുടെമേലേക്കേറിയാഞ്ഞാഞ്ഞുറയു-
മ്പോള് വരുമവന്റെ മുടിഞ്ഞ ചുവപ്പ-
ടയാളവും, ആരാന്റെ ചങ്ങലയും!
ബോധി
ഒരു തുടക്കക്കാരന് കവി
